آلتینجی یول

عقل فرمانین بیر بویوک حاکم مقامیندا عمل الییاق .

عقل تکمیل اولموش ماشین کیمی اوزونه تابعدیر آنجاق روح بوتون اینجه و گوزه ل لیگینه ن عقلین طرفیندن یولادوشور . عقل چوخ مهم مسئله لردن بیریدیر کی بیز گره ک بوتون توتدوغوموز یولداکی اونون اولی و آخیری معلوم دگیل عقلین فرمانینا چاتاق . دوغورداندا نه قدره ر چتین ، آغیر و بیرطرفدن شیرین یولووارکی بیز عقلین فرمانینا یاخینلاشاق . عقل بیر گونه بنزه ر کی بوتون دونیایه ایشیق سالیر و بیزلرده اواوتاق لارا بنزه ریک کی بیرطرفدن اونا ایشیق دوشور.

البته بوایشیق آلان یئراوز اوزونه ایشه دوشور آیری بیر معنادا بیز نه قده ر ارزش لر و ایشیق لره طرف قدم آتساق بو ایشیق چوخالار و نتیجه ده ایشیق و یا همان ( عقل ) بیزیم ائویمیزه داخل اولار و نه قده ر قارانلیق لارا طرف حرکتیمز اولسا بو ایشیق یولو آزالار . عقل اله بیر ماده لردن وجوده گلیب کی بیز هله اونون لاپ کیچیک بیر ماده سینی یا ذره سینی تانییا بیلمه میشیک عقل هر نه اولوراولسون آنجاق اتدن، دریدن و سوموکدن دگیل و اونا خاطر محو اولماز . چون اولومونه ن آرادان گئتمز و بوردا سوز اولارکی مغز یعنی نه مه نه مغز بیر وسیله دیر عقلین ترجمه سی مقامیندا نئجه کی دیل وسیله دیر دادماقا .

عقل بیزیم دونیامیزدا بیر بویوک و عادل حاکمه بنزه رکی یوخاریدان قدرت آلیر .

بو بویوک حاکمین یعنی عقلین بوتون فرمان لارین و دستور لارین ایشه سالماق بیزی دوز یولا و یاخچی هدف لره چاتماقدا کمک ائدیر و بیر یئره چاتیریق و ایستیریق دییه ک کی اول و اولور یعنی هانسی بیر دستور وئرساق همان دستور اجرا اولونور . اگر چی عقل انسانین گورونمز صورت لرینین بیریدیر آنجاق بیز چوخ راحت اونو حس الییه بیله ریک و اونون سسین اشیده ریک اگر بودیقه ایسته ساق عقلین سسینی اشیداق تئز اوزوموزه بیر شاپالاق و وراق و اودیقه ایچیمیزده بیر سس بیزه جواب وئریر مگر ده لی اولو بسان ؟

ایندی بیز بیلیمرک اوکیمدی ؟ بلی بو عقلین سسیدیر ممکوندور اودیقه آیری بیر سس بیزه دییه کی وور حتی گولمگه ده اولسا . بیلیریق کی بو دستور وئره ن نفس یعنی ( نفس اماره نین ) سسی کی ایستیر بیزی آیریلار مسخره یه قویسونلار و دئسینلر کی سیزه هله هئچ زادسیز و اوزمان کی بیز ایسته دیق مواد مصرف اله مییاق اگر بیر شرایط ده اولاق کی موادی تئز تاپا بیلاق و او ماده نین استفاده وقتی ، بیر سس گله رکی ایشی خراب اله مه . تزده دن باشلاما اوزووی تزده دن بدبخت اله مه . ارزشی یوخدور و آیری بیر سسده دییه ر فقط بیر یول مصرف اله حالا گله رسن کئفین کوک اولار . هئچ کس بیلمیر قول وئریریک کی فقط اله بیردفعه استفاده الییاق و بوبیر دفعه دن سورا دای چکمه رم و سورا تزده ن سنه مختلف و پیس تصویرلری قانشارا سالار و ایسته رکی بیزیم ذهنیمیزی موادین مصرفینه طرف چکسین و اوندا متوجه اولاریق کی اول سس

عقلین سسیدیر و ایکینجی سس نقس اماره نین سسیدیر .

ایندی باشا دوشدوک بیزیم اصلی مشکلوموز و دردیمیز و ایچه ر یمیزده اولان جنگ بورداندیر چون بو عادل حاکمین قاباغیندا چوخ زیرنگ و گوجلو بیر قدرت وارکی قویمور بیز بو بویوک حاکم و عقلین فرمان لارینا توجه الییاق و بو قاباخدا دایانان قدرتین آدی بیلیریک کی همان نفس اماره دیر .

ایندی وجودوموزون ایچه ریسین و چولون بیریئره اوخشادیریق و وجودوموزون مختلف سلول لارینا یعنی عقله و نفسه آدلارقویوب و موضوع آیدین اولور بویئرده هرجوره انسان تاپیلار.

وحشی آدام لار ، یاخچی انسان لار و پیس انسان لار . بویئرده بیر جمع وارکی اوردا بوتون انسان لارین بویوک لری توپلاشیب لار . بو جمعده بوتون قرارلار و ایش لر حاکیمین حضورونا تقدیم اولور و اگر حالم اونو دوز تشخیص وئرسه اونا فرمان وئره رکی ایش لره عمل اولا و اودیقه ایش لر انجام تاپیر . اوزامانا جان کی بو جمع دوزو منطقینه ن قرارا گلیب چتین اولماز آنجاق او وقتی کی مختلف آدام لارین زوردئمه لرینین نتیجه سینده پیس قرارا بومرحله ده کی وحشی قبیله لرین باشچی لاری اوزلرینه خاطیر خیانت فکرینده دیرلر اوز ایش لرینی نفس اماره نین عهده سینه تاپشیریرلار و چالیشیرلار مختلف وعده لر و حیله لرینه ن و هوس لی فیلم لرینه ن عقلین قاباغیندا دورسونلار و اونون علیهینه اولسونلار .

بو پیس شرایط ده و عملده عقل قدرتدن قراغا قویولور و بوایش بیر سس سیز مقابله نین نتیجه سینه اولور و داها عقل کناردا قالیر و فقط هردن بیر دستور وئریر و بوتون ایش لر نفس اماره نین اختیاریندا اولور و ایندی سنده دولان منده دولانیم . هامینین کئفی کوک و چوره گی یاغدا و بو شهرین آدام لاری اله کئفده مست اولوبلار کی دای بیلمیرلر اونلار اوچون هانسی بیرآش پیشیریرلر کی بیر قاریش یوخ بلکه اون قاریش پیس لیک باشلانیر و یاواش یاواش محو اولماق باشلانیر و بو ئیر آرادان گئتمه ک مرحله سینه قدره ر یاخنیلاشار تا او وقته کی او جمعین بویوک لریندن بیری بیریاخچی ایشه ال وورا و باشلییا او بیری لر دانلاماقا تاکی محو اولماغین سرعتی بیر آز آزالسین کی البته او بویو گون آدی دانلییان نفسدیر و قدرتی نفس اماره دن آلیر و بویوک ار تزده دن او عادل و عاقل حاکمین دالیسیجان دوشورلر و اونو مختلف مثبت شرط لرینه ن قدرته گتیررلر البتده نه کامل و مطلق قدرت بوناغیل داوام تاپیر و اولکه نین شرایطی یاخچی لاشیر و بویوک لرین ایش لری بیر گون یاخچیدیر بیر گون پیس و آیری بیر گون اوجمعدن بیر بویوک آیاغاقالخار و بویو گون آدی نفس مطمئنه دیر .

اگر بیر گون نفس مطمئنه قدرته چاتا او گون دای مطلق و کامل و عادل عقلین فرمان لاری حاکم اولاجاق واو گون عقلین فرمان گونودور . ایندی اوایشدن دوشموش و قیراغدا قالمیش رئیسین ناغیلی بیزیم ناغیلیمیزدیر . مواد مخدر نفس اماره نین فرمان و دستوروندا اوقدره اولکه نین

شرایطین قاتیب و ایشدن سالیب کی دای محو اولماق مرحله سینده دیر و ایندی بو آرادان گئتمه نین هله داواسی وار . هر وقت کی قرار گلدیک کی مواد مخدری کناره قویاق اودیقه نفس اماره دن دستور گلی و اورئیس شوراکی همان نفسدیر فرمان وئریر و بوتون وحشی سربازلار و ارازل اوباشلار بیزیم بدنیمیزده جمع اولوب داغیدیرلار و بوتون شهریمیزین وجودون لرزییه سالیرلار و حتی مختلف قلم و چکیشینه ن بیزیم قولوموزون و قیچیمیزین سومو گون سیندیریرلار ا بیر ذره ده مواد یا مرفین اولسا ایچه ریمیزده اونلاری چیخارتسینلار و اودیقه نفس اماره دستور وئریر و مختلف فیلم لر بیزیم مغزیمیزده و ذهنیمیزده نمایش اولور کی اگر فقط بیر ذره مصرف اله ساق بوتون ارازل لر و وحشی سربازلار حمله دن ال گوتورل لر و هرزاد عادی اولار بیر دفعه نین مصرفینده نفس اماره نین نقشی عوض اولار و اوکی دئیردی بیر دفعه ایندی دییه لرکی فرق یوخ یا بیر دفعه یا چوخ . سوکی باشدان آشدی یا بیردامجی یا یوز دامجی . دوغورداندا بو نفس اماره نه قده ر زیرگدیر و دقتینه ن عمل ائدیر و چوخ حساب کتابلی ایش وار کی فکره گلمه ز و اونون قاباغیندا دورماغا . و انسان گرگ چوخ چوخ بویوک اولا و دقت الییه و اوز ایچه ریسینده اولان قوشو تاینیا .

                                                                                                        همسفر مریم